Pagsamasid cadto caining D. Juan
dai na guinamit an armas na andam
pañong encatado tolos binicladan
cadaclan na hayop na camaisganan
Lomohod an gabos na cabalakidan
na serpiente, osos, tigres ó halimao
digdi na nakita an catotoohan
sabi nia gigante pinaniualaan
Sa cuevang sinabi duman na nag-ontoc
principe D. Juan may mondo sa boot
pinag-ataman sia an gabos na hayop
ta bilang na Had nindang kinucuyog
Sa siring na siring camugtacan nia
di na napopognao duman cadtong cueva
asin dai na haloy nagnatorogan sia
nin sareng banuaan sa reinong Ungria
Sa pagcananoc nia pinagnatorogan
an ki. Floserfidang biní cagayonan
na bihag an puso asin ta tinodcan
sarong pagcamoot na di mapogolan
Sa aldao sa bangui firme an guiromdom
an reinong Ungria boot niang dumanon
marahay na palacao saiya nagsabong
na magpenitencia sarong pitong taon
An saiyang mauot tagnaning macamtan
magtios mona magna casakitan
magsoclob nin anit na lugadon bilang
tagnaning mahilom idtong camugtacan
Ini an hinagad na bilang vistido
duman gnani cadtong pañong encantado
na con sia masdan nin gabos na tauo
bilang sa magarang na tauong leproso.
Iyo baga ini maguin penitencia
cadtong paglapas ki ama co gnaya
tibaad pa lamang sa siring na pena
pacamtan guiraray an patauad nia
