Dangan kasyahan na dalan
Nin pásig179 sa kahiwasan,
Binukasán mo halakbang,
Asín máyong pagalaman
Sa irárom nin likobkob,
Baga lokdó na malípot;
Nadagkang gayo su Líbay,
Pinaliwanggan su aldaw,
Asin nakita saén man,
Pároy, maís, namarúpay,180
Asin bílang nangagbangon
Duman an mga harong,
Saen kan mga panahon,
Daing ibang iritoon
Mga lawaan na káhoy.
Mga calle sa Dapitan
Kan nagáging mga aldaw,
Sa bangging tukip kabágay,
Iyong pinaggigikanan
Nin mamondong kangirhatan,
Ngunyan naghohoyom bilang,
Lakop nin kaliwanagan,
May mga toklós saén man,
Igwang mga gíbong dánay:
Digdi paadalan, dumán dalan,
Duman pinagisipan,
Na gibohan nin sagpan
Sa haraning kasalogan,
Na pinagaapod Línaw.
Nakakaáyaw pa lámang
Nin sangtaón man sa bílang,
Iyánhong mga banwaan,
Namiririkpisik bílang,
Nagmata na an Dapitan
Sa pagkanánok na marhay;
Asin sadyang naglaláom
Na itohong pominoón,
Dai nin pagborongborong,
Daing mga pagkaríbong,
179 Kadlangan 180 Nanubó nin marhay.
