An pahina na ini pigbalido
Saén man ika padumán.
Síring sa pagpapásib
Kan tigbubúrak
Nin kamongayahan
Asin mga búrak
Sa Abril na mabansay,
Pigsasarabing an kalag
Wiwarasan mong banáag,
Kun minadampog bílang,
An mga búrak nálataw,
Daing mga katonokán,
Sa saímong kalikosan,
Kun ginigibo mong mamongaya
Baga sarong encantada,
An nagkikinábang bílang
Kan saimo na paghiling,
Makadagkang gilantas,
Na saimo iwinaras
Nin Dios na maúgay,
!Ah! ako símong pagkaogdan
Minsán lámang sarong horas
Kan saímong kaogmahan,
Kan saimong ada,
Sa nakikinábang.
Saró lang na aldaw,
Ta an daghan lámang,
Mamongáyang nakinábang.
