An pahina na ini pigbalido
Sa sakong Kaglalang
Ako nagtatagolaylay;
Sa sakúyang Kagurangnan,
Sa Gabos Makakamhan,
Na pominatiwásay
Kan sakong kadalitaan;
Sa Maugnay na sa kahorasaan,
Nagtaong kapahingaloan.
Ika, na sa simong kapangyarihan
Ika ngani tominaram:
"Mabuhay ka! asin ako man
Nagkaigwang buhay;
Ako simong pigkaogdan
Lubós na katalingkasan
Sa pagpilíng dalisay,
Sa maráot asin marhay;
Asin sa karahayan,
Kalag inoósol bílang,
Asin kinakanoroan
Pasíring sa Dorong-an.
Ginibo mo na ako gumikan,
Sa may dangog na mga magúrang,
Nin sarong bansá ako mo tinaw-an,
Mayaman, mabansay,
Daing kasokolan,
Nin pálad, asin álam,
Kun sakalé nagkukulang.
(Sa mga "Documentos Rizalinos", buklit 79, su
original).
