Ano ta maghágad nin mangmang na áwit,
Sa sákit, ay, rongaw sakúyang ináwit?
Na ako pandokón, sakalé, inísip,
Maitom na bihang, lihis na mapait?
Tadaw ta apodón giromdom na hámak,
Na sa pagmamahal pusó naghahalat?
Paghoyom kan aldaw sa banggi tumawag,156
Inda kun igwa pang aldaw na makintab?
Boot mong kun anong dahelan,
Ráming pagkaongis, o nin kasakitan?
Tadaw madalitá muyang maaraman,
Kalag di nagáwit áwit nin pagmahal?
Di pagngarongato, simong pabayaan,
Mapangisi simo, mondó nagdudúsay;
Kan sakúyang bangkay kaiba sa húkay,
Sakó ilolobong saró man na bangkay.
Sarong di mahimo, hemat,157 kalokohan,
Sakalé, ay, hawa158 nin kalag impían159
Inoma an dagá na lingkod sa buhay;
An apdo moninong nindo pabayaan.
Liwat kong namaté an makúring diklom
Kalag titahoban mahibog na lambong;
Búrak na makanos, saró lang na búkol;
Nin angkasa160 kúlang, liwánag kanayon.
Saindong rimposa kulapós kong áwit,
Aking sinurumpá, ginatas kan sákit:
Búhay kisay útang sainda nabatid,
Sa saindo sinda, sakalé, maósip.
Agosto 22, 1883
156 Umapod.
157 Ambision.
158 Pasion.
159 Pangatorogan.
160 Atmósfera.
