Tinanom akong saday,
Na ginábot sa Sirangan,
Alimyo an kalikosan,
An búhay pangatorogan;
!Bansang dai nalilingwan!
Nin pagáwit ako inadalan
Kan huni kan mga gamgam,
Kan rimorimo kan busay,
Sa mahiwason na baybay,
An hinghing kan kadagatan.
Alintanang ako saday,
Ako nakahoyom sa saiyang aldaw,
Sakúyang namamatean,
May nagkakalayong volcan
Sa laog kan sakong daghan;
Ako náging mangaáwit,
Ta sakúyang pinagísip,
Kan tíngog ko asin áwit,
Maliksing doros sabihan:
"!Layog, simong iharúbay,
An saíyang kabantogan,
Símong ipagtagolaylay,
Sa dagá, sa kalangitan!"
!Sakuyá na binayaan!...
Bansá nyákong tinubúan.
!Tabás na káhoy, alang!
Dí na nagaaniningal
Lihis kong mga kundiman.
Ako sadyang nagpalayag
Sa mahiwason na dágat,
Sa pagmawot na banayad,
Magkaigwang bag-ong pálad,
An sakong pagkabalingag,
Dai nin pagagimadmad,
Sa lugar ngáning háyag
