"Ay! lay!" an sabi saiya asin nagdaging tulahok,
Su aniningal kan tingog, malúhay asin malípot,
Daging na sa kalag nganí sadyang nakakalódok,
Luhaylúhay sanang gayo, sa kalag nakakalódok,
Baga an giromdom katóod na tíngog:
"!Ay hérak man sakó! !ay hérak man kan bansang pusúan,
Na nakitang gayo sa Libiang mabaybay,
!Hérak man kan Korán, panonod na sinanglitan,
Na itinao ni Allah, sa musulman sarong aldaw!
Sáyang na su sa cristiano na makapangyarihan,
Kan Guadaletė sa hidyaw na pangpang,
Saimong linúpig su mga wagayway
Tara su lóong na bíhag bibuhat giráray,
Tandá na bulanos gibong panunúmang.
Si Pelayo, si Pelayo na dakulá, an godo na bangsíwat,
Kan maísog na Favila, aking gáyon na padángat,
Sa Covadonga su gapong matagás,
Su kosog kan musulman tunay na pinagaagyat.
Su Cruz, su Cruz, su tandá na minámahal,
Saiyang mga tawohan nagsusunod na dalisay,
Na nagmamaraw-ot sinda magtagumpay;
Si María man nagiba sainda; asin kan saiyang mantó
Su mga hawak na mga maniniwang nin pagkamoot sinasangkoban.
Alágad di ka matákot, tara, mandadaog sa giráray
An musulman sa mahigpit na iwal
Asin dai mangyayari an saíyang pagsorog,
Tara, an Dios sana lámang kan saiyang takyag
Iyong nagtatábag; alágad, !ay! ika natotórog
Sa takyag kan mongaya na marigsok,
Asin pinabayaan mong sáyod
An mga langitnon na sakong pagboot,
An trono na sa Tarif nangatig mahohólog
Kan maliwag na espada tigbas na makosog;
An saíndong dugó baga sominangyang sálog
