An nagkalaglag kan satúyang sangkap na Colección Rizalina, síring nan kan mga mahalagang coleccion kan Biblioteca Nacional, kan liberación kan Manilá, kan Febrero, 1945, minagibo na náging ángay asin sa kapanahonan an paglimbag' kan mga rawitdáwit ni Rizal na tiniripon asin pinagbiriyó sa saró sanang ísit² ni Don Jaime C. de Veyra, saró sa mga burúhay pang mga rizalistas nyató asin kagurubay kan satong "escolar", bayani asin martir, si Dr. José Rizal, na itinalaga sa satong parabasang bandiyak asin orog na nganí sa mga rizalistas nyató. Bago mangyari su pagligtasan an Manilá, dai nin anó man na paluwas na namumugtakan sa saró sanang aklat kan gabós na mga rawitdawit ni Rizal. Nagkapira pinagisipan an ipalimbag an sinabi nang colección, alágad lominuwas na daing halagang bulanos. Digdi sa toklos na ini namumugtak an gabós na mga rawitdawit ni Rizal, an iba kan mga ini dai pa linilimbag sagkod ngunyan. An toklós na iniho bakó sanang sarong daing kúlang na colección kan mga rawitdawit ni Rizal, kundi saró man na katipunan nin mga gilat asin mga rapang na minapahalangkaw kan halaga kan mga iyan, gikan sa sipol' nin sarong táwong pantás. Minaluwas iniho na kabilogan asin hipnó sa saró pa nyang toklós, na an paksá iyo "An 'Húring Paáram' ni Rizal," na ipinalimbag kan Biblioteca Nacional huli kan Ikalimang Pólong Taón kan Martirio kan satong Bayani, kan Diciembre 30, 1946. Siring man kan saró pang ísit, an coleccion na ini hinandá kan sakong mga pagiriba sa Biblioteca Nacional, orog na ngani ni Director Auxiliar Luis Montilla, bago ako apodón sa sakong dáting katongdan, bílang Director kan Biblioteca Nacional, kan Saiyang Kahalangkawan, an Pamayo kan Filipinas, na iyo si Ma- Plantilya:Block left
1 pagimprimir.- 2 volumen.
- 3 publico
- 4 1946.
- 5 anotación
- 6 comentario.
- 7 pluma.
