An pahina na ini pigbalido
- -98-
- Minakalaw an isip
- Na daing pangánib;
- Saimo, maogmang
- Kapaladan,
- Kalag namomongayahan.
- (Recitado)
Candido !Kaagahon marayráhay!
- Daliwawa kaibahan
- Saiya na kaputián,
- Baga pinagdadagay
- An mga kaburakan
- Samno sa kapatagan.
- !An Pásig! Saindong nadadangog
- An nginorobngorob
- Kan mga kawayan
- Sa pangpang kan sálog?
- Saindong namamatean
- An hinuni na malumbay
- Asin man paayaw-áyaw
- Nin yamón bagang saday?
- Ako saindong sabihan
- An síring na kagayonan,
- Sa magilantas na bansay
- Pinamamantaagan
- Kaiyán Katalagahan;
- An matiwasay na solog
- Na baga rinorosdosán
- Kaiyán mga sakayán,
- Di nindo nadadagkahan,
- Di nindo nawiwilihan,
- An tihantik an dahelán
- Na sainda na panaram?
- Di kamo sinasabihan
- Na an sainda na sínang
- Iyo an ginigikanan
- An Virgen nganí na banal,
- Nagbalik ngunyan na aldaw
- Madaging asin mabanggraw?
Gabos !Daing duwaduwa!
