Page:Mga Rawitdawit Ni Jose Rizal.pdf/11

x

pok sa Dapitan, sa táhaw kan saíyang mga pinagtotokdoán, nin mga naghehélang asin kan saíyang mga tinanom . . . sagkod na kinabray nya su saiyang malipungaw na áwit nin cisne, sa Húring Paáram; dapit sa saiya, dapit sa saiyang pagkabuhay, ikakasúrat na magkasi rawitdawit su alpha²⁶ asin su omega²⁷.

Sa daan na Ateneo de Manila itinotokdó sya nin moró kasu kan pamayo sya kan Sanghiran nin Kadonongan²⁸, maghilwas sa saró kan mga sesión kaito nin sarong rawitdáwit (si Colon asin si Juan II); kan magrokyaw su rector kan aldaw na saíyang ikinamondag, nagpadara sya nin mga rawitdawit na sáfico²⁹ asin adónico³⁰ (Ki Padre Pablo Ramon); pagkaáyaw nin sangtaón kan idinodúpil na gayo su saíyang sadiri sa literariong pagsasanay, daing mapanalaysay na bakong dahelán kan mga pasabong saiya (an Pagsakay ki Magallanes); Si Urbistondo, kinatatakutan sa Jolo; Asin Kastila si Elcano, an enot na nakalibot sa kinaban; pagkaáyaw nin sangtaón (kan 1876), sanay na sa pagrawitdawit, nagáwit Sa pagkasakopi an Granada, o An Kabayanihan ni Colon, o isinarawitdawit, sa hágad kan Padre Sánchez na ito, na nagmamahal saiya nin makuri, An Kahorasaan ni San Eustaquio, dai nya inaliwalasan an pagpánongod nin sarong soneto³¹. Sa ki Virgen María o sa pagsúrat nin mga pinakaisip na mga octava real³² na Huli sa Adal nagkakamit nin kintab an Bansa. Sakalé, sasabihon na an gabós na ito pagsasanay nin sarong nagaádal; totóong gayo: pahangang mangibábaw an kakayahan nin sarong mapangrawitdawit³³ alágad nababatid na an mga kámog kan pitson na águila, sa pangingibábaw; asin sa rawitdawit na sinasambit pa lámang, napapagmasdan an kaaplingan sa paglakaw sa orog kaharalakbang na mga dalan bakó sanang su sa mga nagaarádal lámang. Nasa-kagsiyam nang taón si Rizal; nakatapus na sya kan bachillerato: su Liceo Artístico y Literario nagbukás nin sarong pala- Plantilya:Block left

²⁶ kapinonan; enot na letra kan abakadang griego.

²⁷ katapusan; húring letra kan sinabi nang abakada.

²⁸ Academia de Ciencias.

²⁹ sarong klaseng verso.

³⁰ saró pang klaseng verso.

³¹ saro pang klaseng verso na apat ang estanza, an duwang enot,

manig-apat na verso, asin ang duwang huri, manigtolo.

³² verso na ang lambang estrofa binibilog nin walong verso.

³³ poético.