88
ibang mga aldaw kan taón, okun nin anom (6), síring sa sabi kan cura kasubag-ong aga.”
“!Hola! an boot sabihón kan cura na igwa kita nin maogmang talaán na súkat nyátong urawahon?”
“!Alagad, Doray!” an saligbaton ni Don Filipo, “ba- tid mo na dai nagtutubod sa Purgatorio si Don Anas- tasio.
“Anó dai ako nagtutubod sa Purgatorio?” an paki- súhay kan gurang na bominuhatbuhat sa saíyang na- tukawan. “Tatao nganí ako nin kadikit kan salaysay kaiyán.”
“!An salaysay kan Purgatorio!” an sabi kan maga- gom na pano nin pagtaka. “!Hilingon ta daw! Iósip mo samuyá!”
“Dai nindo áram, asin nagpapamisa kamo asin pinag- hohororonan nindo an mapadapit sa mga sakit dumán? !Nya! mantang nagpopoón nang magurán asin garong mahaláwig, may panahón kita sa dai pagkalangkag,” simbag ni Tasio na naghorophórop sa kadikit na
oras.
Kiniyom ni Don Filipo su libro na saíyang kapot, asin tominúkaw sa saíyang katáid handá sa dai pagtubod sa anó man na sabihon ni gurang Tasio. Ini nagpoón siring na minásunod:
"Dati nang may Purgatorio haloy pang marhay na humílig si Jesucristo, Kagurangnan ta, asin súkat na mamugtak sa katongdan kan dagá alinsúnod ki Padre Astete, o harani sa Cluny (174) alinsunod sa monje na pinagsasabi satuyá ni Padre Girard. An na- mumugtakán kun saén bakong gáyong mahalaga. Siisay an mga natototong sa kaláyong ito na naglaláad na mag- poón sa kapinónan kan kinaban? An pagkasoánoy na adha (175) kaiyán pinapatunayan kan Filosofía Cris- tiana na nagsasabi na dai na naglalang nin anó man an Mahal na Dios magpoón kan Sya magpahingaló.”
“Mangyaring magkaigwa in potentia (176), alágad bakong in actu!” (177) an ólay kan teniente mayor (178).
“!Marahay na gayo! Aládgad, minsán síring, sisimba- gon ko na igwa nin mga nakakatalastas kaiyán na ta- lagang igwa man nanggad in actu, saró, kan mga ini iyo si Zarathustra okun si Zoroastro na nagsúrat nin kabtang kan Avesta (179) asin nagtogdas nin sarong katinubdan na may pakaomagid sa satong rogáring ma-
