85
igwa ako nin sarong pagláom.”
“Ha? asin anong pagláom iyán?”
“!An barongbarong!”
“An barongbarong! Daing duwaduwa na nagiísip kang magparigos?” an hapot kan gobernadorcillo sa mapagtuyatuyang tingog kaiba an saiyang paghiling sa masípag (165) na panggubingan kan gurang.
“!Kumarigos ako... bakong maráot, orog na kun may nasasamangan na tapokán nin atí!” an simbag ni Tasio sa síring mansanang tingog, minsán ngani may kadikit na pagtuyátuyá, na minamánsayan su lawog kan sa- íyang kaólay; “alágad igwa akong pighahalat na sa- rong bágay na lálong orog karahay.”
“Anó, kun siring?”
“!Mga kikilat na makagadán nin mga tawo asin ma- kasoló nin mga harong!” an igot sa boot na simbag kan filósofo.
“!Hagada logod an diluvio!”
“Magkakanigó kita gabós kaiyan, asin ika asin ako! Ika, ginóong gobernadorcillo, may saró (1) kan arró- bang kandila na halé sa tindahán kan intsik; igwa nang sampólong (10) taón na isinásadol ko sa lambang ba- gong capitán an pagbakal nin pararrayos (166), asin an gabós minangisi sakuya, asin an binabakal mga bomba asin mga kuwetes, asin nabaráyad sa mga repique nin mga batingaw (167). Saró pa, kan sumonod na aldaw kan sakong pagsadol, ika mansana pominagibo nin es- quila (168) ni Santa Bárbara sa mga intsik na mga paragibong-batingaw na natuklasan na kan kamaduno- ngan na mapangánib an pagbagting nin mga batingaw kun nagkikikilat. Asin sabihi daw ako, anó ta kan taón na 1870, kan humugpá sa Biñan an sarong kikilat, sa campanario nanggad luminagpak asin nalaglag su reloj asin sarong altar? Nagaano kaito su esquilita ni Santa Bárbara?” (169)
Kan horas na ito suminilyab an sarong kikílat.
“!Jesús, Maria y José! paladan na Santa Bárbara!” sa maluhayon na tingog na nanglulungsí asin nangu- ngurús.
Ominarakatak si Tasio.
“!Magkakanigó ka kan saimong pintakasi!” an sa- íyang sabi sa tataramon na kastilá, dangan tominalikod na napasiring sa simbahan.
Sa laog naggigibo su mga sacristan nin tumba palíbot
