"!Kanogon na dai kamo nagpakasábot nin látin, prima, an mga katunayan na látin mga kaputikan na tagálog, halimbawa baga: contra principia negantem fustibus est arguendum, (127-a) sa látin sarong katunayan na siring kan Arca ni Noé sa sarong baldit ginibo ka sa tagalog, asin ako an nabadolan. Kayá, kanogon pa na dai kamo taratao nin latin; sa latin an gabós nahuhúsay."
"Tatao man kami nin dakol na mga oremus, parce nobis asin agnus Dei Catolis, alágad ngunyan dai kita magkakasinarabotan.! Taohi nin sarong pangatanosan si Tinong tanganing dai sya pagbitayon!"
"Salang marhay an saimong ginibo, salang marhay, primo, sa pakipagkatóod mo sa hagbayon na iyán!" an saiyang simbag. "Nagbabayad an mga banal huli sa mga parakasalá, haros pinaghatolan ko ika na magpagibo ka na nin testamento... !Vae illis! Ubi est fumus ibi est ignis! Similis simili gaudet, atqui Ibarra ahorcatur, ergo ahercaberis, (128-a) Asin linilingolingó su payo, baldi. " "!Saturnino, anong nangyayari saimo!" an kuráhaw ni Kapitanang Tinchang, tagob nin kangirhatan; "lay, Dios ko! Nagadan! Sarong parabólong Tinong, Tinongoy!" Ominagap su duwang áking babaye asin nagpoón nin pagtangis su tolo.
"Nalonosan man sana, prima, nalonosan! Lálong magoogma ako na . . . na... alágad sa karaotan nin pálad nalonosan man sana. Non timeo mortem in catre sed super espaldonem Bagumbayanis, (129-a)! Darhi digdi nin túbig!"
"!Dai ka magadán!" nagtatangis su babaye, "!dai ka magadán ta madirigdi sa pagdakop saimo! !Ay, kun magadan ka asin domigdi su mga soldados, ay! ay!" Winirikan kan primo nin túbig su lawog asin naulian su makauúgay.
"Vamos, hare pagtangis! Inveni remedium, nakoa ko an palakaw. Buhaton ta sya sa saiyang higdaan; vamos! karigonan nin boot! ta uya ako sa saindong kaibahan asin an gabós na kadonongan kaitong mga tawo soánoy... Omapod nin sarong parabólong;-asin ngunyan mansana, prima, dumuman ka sa Capitán General asin darahan mo nin pásib, (130-a), sarong talikalá, na bulawan, sarong singsing... Dadivae quebrantant.
