‘Muya ko pang magdangog ki sa magtaram.”
‘Lalong pinagngangataman kan Saimong Pagkaigagalang an kapakinabangan ki sa kasayangan!” an mapagsobang sabi kan Alférez.
Dai ito ibinilang ni Padre Salvi na karawkaraw 1amang, suminilyab su saiyang paghiling asin sominimbag:
“!Natatalastas na gayo, kan señor alférez na sa mga aldaw na ini bakong ako an orog na nagkikinabang o lalong nasasayangan!”
Tinahoban kan alférez su tangkol, huli sa sarong hilaw na hoyomhoyom asin dai niya ibinilang na sya pinagpapadamgohan kaito.
“Pero mga ginoo, dai ko masabotan kun paanong mapaghororonan digdi an dapit sa mga kapakinabangan o sa mga kasayangan,” an saligbaton kan alcalde; “Anong sasabooton, satuya kaiyan mga magkakanigo nin pagkamoot asin mga madlam na daraga, na nagngapadangog satuya huli kan saindang dagyang. Sa sako, an mga daraga nagpapakaarog sa mga arpas eolicas sa tahaw nin kabanggihon; sukat sindang himateon asin pakadangogon na gayo, tanganing an saindang mga dai masabing mga tagolaylay, na minaitaas sa kalog sa mga langitnoon na rona nin daing sokol asin nin ideal.” .
“!Nagrarawitdawit an Saimong Kahalangkawan!” an maogmang tataramon kan escriba, asin magkasi ninda itinangad su copa.
‘Dai akong ibang maginibo,” an olay kan Alcalde na pinahidan su ngoso; “an bahigay kun sa giraray dai minagibo nin parahabon, minagibo nin tagapagawit. Sa sakong pagkabagong-tawo nagsurat ako nin mga rawitdawit, asin hayag na gayong bakong mga daing data.
“Kun siring, an Saimong Kahalangkawan nagpasaluib sa mga Musa sa pagsunod mo ki Themis!” an sabing bulanos kan satuyang mitico o misticong corresponsal.
“Psch! anong muya mo? Maglibot sa bilog na pangkat nin gabungan (403) sa giraray iyo an sakong pangatorogan. Kasuhapon namodo ako nin mga burak asin nagdwit ako nin mga 4wit, ngunyan nakakaptan ko an sogkod nin Sandagan asin noodma....”
“Noodma isosogba kan Saimong Kahalangkawan an sogkod sa kalayo tanganing magpainit kaiyan sa tigli-
