Page:Hare-sa-sako-pagdoot-noli-me-tangere.pdf/223

213 orquesta. May nagbabaralyo sa mga intsik, mga kas- tilá, mga filipino, asin ta an iba kan mga ini sa euro- peo na an panggubingan, su iba su sa kaporoan man giráray. Saralbog na nagraralakaw, nagsisiriwagan asin nagtotonyodon su mga sorogóon na may mga da- rang carne asin mga manok, mga estudiante na mga maputi su panggubingan, kalalakihan asin kababaye- han, na mga nasa panganib na magkararabasan kan mga coche asin mga calesa na minsan ngani nagpapa- tarabi su mga cochero, nangasasákit na magpakaagi. Sa tangod kan harong ni Capitán Tiago may nag- kapirang hagbayon an nagtaraông-gálang sa samong mga kamiridbid asin inaranyayahan na dumungaw sa harong. Gabos na mga pasarahotan natapus kan ma- gayagáyang tingog ni Sinang na nagdadalagan na luminúsad sa hagyanan. "Sákat nguna kamo nin kadikit na horas tanganing makaiba ako saindo," an sabi. "Nababaldi akong ma- sakaibahan nin kadakol na mga dai midbid na dai ini ibang pinagoorolayan kundi mga manok asin baraja." Nagpanarakat. Panó nin mga tawo su bidang. Su iba uminenotan sa pagtaratara ki Ibarra na an pagngaran midbid nin kagabsan; nagkakamorongnan na maghiling kan ka- gayonan ni Maria Clara, asin su ibang mga magúrang na babayé nagsarabi sa hababang tingog alintana- ng nagoorogbas nin buyó; "Garong su la Virgen!" Duman nag chorocolate. Si Capitán Basilio náging bulanos na katóod asin parasórog ni Ibarra magpoón kan aldaw kan picnic. Naaraman niya sa telegrama, na ipinagkaugdan sa saiyang áking si Sinang, na gina- na ni Ibarra su hablá, nin huli kaini, mantang habó siyang madaog sa pagkamasamwang, boot niyang padaihan nin halaga su saindang pagajedres. Alá- gad sa dai kaito pagoyon ni Ibarra, nagmokná si Capitán Basilio na su kuwartang ibabayad sa multa, gamiton na báyad sa sarong maestro sa paadalan ngá- pit sa banwaan. Huli kaini, ginamit kan orador su saiyang oratoria tanganing su ibang mga kalaban dai na ipagpumirit an saindang mga pambihirang mga ka- hagadan asin pinagsabihan an mga ito: "Maniwala kamo sakuyá; sa mga habla an nan- dadaog, minámarang garong bárok!" (356) Alágad dai niya nahimo na may naniwala saiya, min-