wahon ninda asin dai pagsayangon an panahon. !Hilinga nindo ta harararom an mga tugsaran! Tolong metro may pitong pulo may limang centimetro! (3.75) An sinabi nang edificio magkakaigwa nin mga bodega, mga subterrano, mga bilanggdan sa mga hogakon magadal asin harani, haraning marhay sa pagkakarawatan asin sa gimnasio, tanganing madangog kan mga nasilotan an kaorogmahan kan mga maigot magadal. Nakikita nindo an dakilang rowang na iyan? Iyo iyan an gigibohon na pagdurudalaganan asin pagruruloksuhan sa luwas. An mga aking babaye magkakaigwa nin tanaman, mga bangko, mga liya-liya, alamedas sa pagkawat kan cumba, mga surtidores, mga kolongan nin bayong, asin iba pa. Maluwas ining katakataka!”’
Asin pinaghorohapros ni Nor Juan su saiyang mga kamot, kaiba an pagisip manongod sa dangog na saiyang makakamtan. Madirigdi su mga dayuhan sa paghiling kaiyan asin maharapot: “siisay an dakilang arquitecto na nagpatindog kaiyan? _ _ Dai nindo midbid? Marasa pang dai nindo midbid si Nor Juan! Daing duwaduwa na harayo an saindong hinalean!” masirimbag an gabos.
Sa siring na kaisipan nagbabalikbalik sa magibongibong na gilid, gabOs hinihiling, gabos linilibot.
“Labis na man an tabla na ini sa sarong cabria!” an sabi nin sarO katawong madarag, na namamahala sa nagkakapirang manggagamlang: “IgO na sakuya an tolong (8) haralabang pasagi na gibohon na tripudi asin tolo (3) pang makapOgol kan mga iyan!”
“Abaa!” an simbag kan lalaking madarag na naghohoyomhOyom nin malaen; “kun an gibong iniho ibantog nyato, lalong magkakaigwa nin marhay na bunga. An kabilogan orog na maluwas na marhay, orog na gayong maluwas na mahalaga asin masarabi: ‘!Pinagpagalan na marhay!’ Makikita nindo, kun anong cabria an papatindogon ko! Dangan sakUyang sasamnohan nin mga saraday na wagayway, mga guirnalda nin mga dahon asin mga burak... masabi kamo ngapit na tama kamo na inako ako nindo sa bilang kan saindong mga mangagamlang, asin dai nang hihidawon si Sr. Ibarra!”
Asin naghohoyomhoyom su tawo asin nagngingisi: si Nor Juan naghohoyomhoyom asin nagtatangi-
