Daing gironggirong asin malungsing pinagmamasdan kan religioso an mabining itong Diana (312); su saiyang mga mata (318) na nagsasaraga sa laog kan madiklom na itong kalogkalog dai napapagal sa paghilinghiling kaitong mga mapuptiting takyag, itong ma- baskog na liog sa kapinonan kan daghan, su mga saradit asin nagdodorodiyambong (314) mga bitis na nagkakawat kan tubig, nangagpuptikaw sa saiyang kinokulapus na pagkatawo (315) nin laen na mga ka- matean asin minagibo na mangatorogan nin mga bagong kaisipan an saiyang mainit na hotok (316).
Sa likod nin sarong (1) liko kan sapa, sa pagoltanan nin mga mararambong na kabotongan, nawara itong mga mahahamis na mga ladawan asin dai nagkakadarangog su saindang mga mababangis na mga pa- damgo. Lango, nagboborongborong, patos nin ganot, lominuwas si Padre Salvi sa saiyang pinagpapaiplian asin nangalagkalag sa saiyang palibot na nagboboladbolad su mata. Ominantoro, daing hirohiro, nagboborongborong; lominakaw nin nagkapira na garo bagang susunodon su mga daraga, alagad bominalik, asin lominakaw sa pangpang sa paghanap kan iba pang kabilang sa pagiriba.
Sa horoharayo duman (317), nakahiling sa tahaw kan sapa nin garo karigosan na nalilikosan na marhay, na an atop binibilog nin marambong na kabotongan; duman naghahalé an mga magayagayang tingog nin mga babaye. Nasasamnohan ito nin mga dahon nin anahaw, mga burak asin mga banderola.—Sa enotan nakakita sya nin tulay na kawayan asin sa harayé may nagkakararigos na mga lalaki, alintanang an sarong (1) dakilang bilang nin mga sorogodn na mga lalaki asin mga babaye nagkakasorosiribot sa palibot nin mga giniribong talohong, siribot sa pagrabnot nin mga guna, pagsawsaw nin bagas, pag-asal nin lechon, asin iba pa. Asin duman sa ibong na pangpang, sa saindang liniwanag, dakol na mga lalaki asin mga babaye an nag- tiripun sa sirong nin atop na lona, kabtang nabibitay sa mga sanga nin mga gurirang nang kahoy, kabtang nabibitay sa mga taldok na pinapatirindog pa lamang. Iritoon duman su alférez, su coadjutor, su gobernadorcillo, su teniente mayor, su paratokdo sa paadalan asin dakol na mga capitan pasado asin mga teniente, sagkod si Capitan Basilio, na ama ni Sinang, kalaban kaitong
