sarong (1) mahigpit na kamugtakan.
“Garo akong pighihirasan kan pangungungalé kan gobernadorcillo!” (251) an sabi ni Don Filipo, pamayo kan partido liberal, sa saiyang mga katood; “dati na nyang inisip an pagpaliban sagkod sa huring mga hidalé kan pagorolay mapadapit sa tagamang gagastohon (252). Hilinga nindo ta dai na nganing kagsarong (11) aldaw an natatada sa sato...”
“Asin! pominawalat sa convento sa pakipagolayolay sa cura na naghehélang!” an saligbaton nin saro (1) sa mga bagong-tawo.
“Dai bale!” an simbag man kan saro; “sato nang inandaman. Bastang an mokna kan mga gurang dai magkamit kan kahorohalangkaweng (253).”
“Dai ako matubod!” an sabi ni Don Filipo; “idadata ko an mokna kan mga gurang...”
“Ano? Anong sabi mo?” nagharapot na mga nagtataka su mga nagdadangog saiya.
“Sabi ko na kun ako an énot na magtaram, idadata ko an mokna kan satong mga kaiwal.”
“Asin su satuya?”
“Kamo an bahalang magdata kaiyan!” naghohoyomhoyom na suminimbag su teniente asin inatubang su sarong aki pang cabeza de baranggay; “tumaram kamo kun madaog na ako.”
“Dai mi po ika masabotan!” an sabi kan mga nagoorolay na paranó nin kaborongan na pinaghihilinghiling sya.
“Himatea nindo!” an sabi ni Don Filipo sa duwa (2) okun tolong (3) nagdangog saiya “Ngunyan na aga nasompongan ko si gurang Tasio.”
“Asin ano?”
“Sinabihan ako kan gurang. ‘Naoongisan kamo kan saindong mga kaiwal labis pa sa saindong mga kaisipan. Boot nindo na dai gibohon an sarong bagay? kun siring, imokna nindo iyan, asin minsan lalong papakinabangan labis pa sa sarong (1) mitra (254), isisikwal iyan. Kun kamo madaog na, giboha nindo na idaté iyan kan pinakahababa sa gabos, asin tangani kamong masopgan, ooyonan iyan kan saindong mga kaiwal.’ Alagad ingati nindo an hilom na iniho.”
“Alagad...”
“Kaya ngani idadatá ko an mokná kan satong mga kaiwal na sakúyang papalabisan sagkod na lumuwas na
