"Pahangá na akong maomayan, nagbalik ako sa paadalan asin su sakong mga pinagtotokdóan igwa na sa nang saró sa ikalimang kabtang. Su mga matalé nagbu rutas sa pagadal kan ibalik su dáting palákaw, asin su nagkakapirang mga nagkataradá nagraralabás parang makalikay lámang sa mga gibohón sa laog kan harong, dai ni sarong nagpahiling nin kaogmahan, dai ni sarong ominaté, sakuya kan sakong pagmalaymay, pareho sa inda na maomayan ako o dai, sakalé pagmamarhayon ninda kun nagdánay ako sa paghélang, huli ta su nagsa lihid sakuyá, minsan ngani kaniguan na homampak, bi bihira man na magtungá sa paadalan. Su iba kong mga pinagadalan, na nagkapiritan kan amá na magralabás, nagbabaralawbagaw sa ibang gampi. Sinálá ako ta sakong pinayabá su mga aki asin pinanó ako nin mga kahimasolan. Alagad su saró, su aki nin sarong babá yeng taga-oma, na nagataman sakúyá kan sakong pag hélang, kun dai man bominalik, an dahelán iyo ta lominaog sa pagkasacristan, an sabi kan sacristan mayor, an mga sacristan dai súkat maglaog sa mga paadalan maharababang padagos.” “Asin ano nagpahubayá ka sa kaibhan kan saimong bagong mga pinagaradalan?” an hapot ni Ibarra. “Makagibo daw ako nin ibang bagay? an saiyang simbag. Alágad nin huli ta sa laog kan sakong pag hélang kaniguan na mga nangyari, nagkaigwa kami nin ibang cura. Nakaisip ako nin mga bagong pagsárig asin tinantan kong gibohon an sarong bagong pag baló tanganing daing gayo masayang kan mga aki su panahón asin pangurawahon ninda sunod sa mahihimo su mga hampak, na su mga kasopganan lámang na ito makatao sainda nin bunga, an sakong sa isip. Boot kong gibohon kaito, mantang dai na mahimong mahalon ako ninda, na sa pagrimpos lámang nin ano man na mapa pakinabangan na halé sakuyá, maging kadikit lámang an kapaitan pakagiromdom ninda sa sakó. Aram mong padagos na sa kadaklán na mga paadalan, an mga libro nasusurat sa Kastilá, maliban sa Catecismo na tagalog, asin ta nagkakaralaen sunod sa corporación religiosa na namumugtakán kan cura. An mga librong ini parating mga novena, trisagio, catecismo ni Padre Astete (238), na nakoahan nin dakol na kabanalan siring man sa mga libro kan mga hereje. Nin huli ta dai mahihimong ma-
