ikabugtak sa gibo an pagboot nin palakaw kadakol na mga nagburutas sa pagadal, alagad nagpadagos ako asin sakong napagaraman na sa luhayluhay nagkaka purukawan su mga pagisip, dakol na mga nagdorólok asin sorosoronod na gayo, asin itong inoómaw sa atubang nin kagabsan, doble an nanonodan sa mina sunod na aldaw. Madaleng naka balangibog sa banwaan na dai ako nagkokolog ipinaapod ako kan cura asin sa takot na igwa naman nin mangyari nagtaong glang ako saiya sa tagalog. Sa baldit na ini serio siyang marhay sakuya. Sinabihan ako na pinapahamak ko an mga aki, na sinasayang ko an panahon na dai ko inotob an sakong katongdan, na an amang mi napatawad kan badas (234) naoongis sa saiyang aki, alinsunod sa Espiritu Santo na an titik minalaog sa kaibahan nin dugó, etc. dinarahan ako nin kabtang kan mega kasabihan kan mga panahón, kaitong soánoy, na baga igwa nang an sarong bagay maging kasabihan kaidtong suanoy tanganing dai mapagborongborongan: alinsunod kaini sikat kitang maniwala na talagang nagkaigwa nin mga halimaw na an mga panahon na ito nangaglalang asin nagngaglongat sa saindang mga palacio asin mga catedral. Sa katapusan ipinagtogon sakuya na magi akong mahigos asin magbalik ako sa dating palakaw, ta kun dai isosombong niya ako sa Alcalde (235). Digdi dai natapus su maraot kong palad: pagkadyaw nin nagkapirang aldaw nagduruman sa sirong kan convento su mga magúrang kan mga aki, asin kinaipuhan kong apodon na tabangan ako kan sakong pakatiós asin pagpahubaya. Nagpdon sinda sa pagpamidbid sakuya kan mga panahon, kaidtong sdanoy na mga marigon su boot kan mga maestro asin nangagtorokdo siring sa pag tokdo kan saindang mga apo. ‘!An mga ito talagang mga madodónong!’ an saindang sabi; an mga ito nag ngalalapnit asin saindang tinatanos an biribid na kahoy. An mga ito bakong bagong tawo, mga magúrang na may halawig na kinabatiran, mga ubanon asin mga ma higpit! Si Don Catalino, su hadé ninda gabós asin kagtogdas kan paadalan na ito, dai nanggad minapakúlang sa duwang polo may limang hampak, kun kaya naka himo nin mga aking mga madodénong asin mga padi. Ah! kayangkaya kita kan mga ito, opó, kayang kaya kita kan mga ito. Su iba dai nanigoan kan mga magagabat na ining mga pasarampi, maliwánag na sinabi
