ako, kun muya ko, nin dai kumúlang sa pitong (7) ple naria, asin makakapagligtas pa ako sa iba sa sakong pagkagadán!"
Asin pakasabi kaini, maabhaw na hominarayó.
"Minsán síring, dápat kamong gumibo nin síring kan sakong ginigibo. Halimbawá baga: ipamugtak nindo na nagkamit ako nin sarong (1) taón na indulgencia; isinosúrat ko iyan sa sakong cuaderno asin minasabi ako: 'Mapálad na gáyong Amá, Señor Santo Domingo, magdálitá nganí na pakahilingon mo kun igwa sa Purga torio nin nagkakaipo nin sangtaón (222), dai lumabi nin sarong (1) aldaw, dai man kumúlang nin sarong (1) aldaw! Minakáwat ako nin cara y cruz, kun mina luwas na cara, dai; kun minaluwas na cruz, iyo. Tara ipamugtak ta na cruz an lominuwas, sa bágay na ini minasúrat ako-cobrado; cara an luminuwas? kun sí ring pinopógol ko an indulgencia, asin sa bagay na ini nakakagibo ako nin mga poropangkat nin mananggatós (100) na taón na nalilista kong marhay. Kanogon pa na dai magigibo sa mga ini síring kan sa kuwarta: ipagtaong patubúan; dakol pang kalag an ikakaligtás. Maniwala kamo sakuyá, giboha nindo an sakong gini gibo."
"Lálong_orog karahay an sakong ginigibo!" sumi nimbag si Hermánang Sipa. "Anó lálong orog karahay?" an may pagtakang hapot ni Hermánang Rufa. "Dai mangyayari! !Dai na ma papakarhay an sakong ginigibo!"
"Maghinanyog ka nin kadikit na horas asin ta ma niniwala ka, Hermana!" an simbag ni gurang Sipa sa malabsay na tingog.
"Hilingon ta, hilingon ta! Dangogón nyató!" an sabi kan iba.
Pakatapus nin sarong sinadyang pagabo tominaram nin síring su gurang na babaye:
"Talastas nindong padagos na sa pagpangadyé kan Bendita-sea tu Pureza, asin kan Señor-mío-Jesucristo, Padre-dulcisimo-por-el-gozo, sa lambang sarong (1) tí tik sampólong (10) taon an kinakamtan..."
"Duwang poló! (20)—Dai, kúlang!-Lima! (5)" an sabi nin nagkapirang tingog.
"Maglabi nin saró (1) magkúlang nin saró (1) dai vale! Ngunyan: kun an sarong (1) sorogoón na lalaki okun sarong (1) sorogoón na babaye nakakapasá nin
