ko, naghaharalat saiya an may mga pito (7) okun walo (8) na babaye asin sarong (1) lalaki na nagbabalik-balik sa magibong na poro. Kan matanaw syang nag-dadangadang nagpanirindog, sarong (1) babaye omine-notan ta mahadok sa saiyang kamot, alagad su religioso pominahiling nin sarong gaweng baga may kagabatan sa boot, nakapaantoro saiya sa tahaw kan saiyang lina- lakawan.
“Nawaran gayod nin sarong kuripot na sikapat” an sabi kan babaye kaiba an mapagtuya-tuyang harak- hak, na nagraot su boot huli kan pagkapasiringa saiya.! Dai pahadokon sa kamot an celadora kan Herman- dad, Si Hermanang Rufa! Iyan dai pa nadangog sag-kod.
“Ngunyan na aga dai tuminukaw sa pakumpisalan!” an saligbaton ni Hermanang Sipa, sarong gurang na dai nang ngipon, “makumpisal kuta ako ta muya kong magpakinabang asin magkamit nin mga indulgen- cia. “Nahehérak ako saindo!” an simbag nin sarong aki pang babaye na mabansay an panglawog; “tolong ple- naria an sakong kinamtan asin ipinanongod ko sa ka-lag kan sakong agom.”
“Salang gibo, Hermana Juana!” sabi kan may kabal- dian na si Rufa. “Saró sanang plenaria igo nang ikal-da saiya sa Purgatorio; dai mo sukat pagsamwangon an mga santas indulgencias; giboha an sakong ginigi-bo.”
“Sabi ko; lalong dakol, lalong orog karahay!” an simbag kan masipag na si Hermanang Juana na naghohoyom-hoyom. “Alagad magsabi kamo, ano an saindong ginigibo.”
Dai tolos nagsimbag si Hermanang Rufa dai tolos so- minimbag hominagad ngona nin buyo, na saiyang inog- bas, hiniling su mga nagdadarangog saiya na mga igot su igot sa boot su panghimaté, lominutab sa gilid, asin pominoon alintanang nagsasapa nin tabako:
“Ako dai nagsasamwang minsan sarong (1) mahal na aldaw! Magpoon kan makaayon ako sa Santa Her- mandad nagkamit ako nin apat na gatos limang polo may pitong (457) indulgencia plenaria, pitong gatos anom na polong ribo limang gatos siyam na polo may walong (760,598) taon nin mga indulgencia. Ilinilista ko an gabos kong nakakamtan ta muya kong malinig
