su nagkapirang baga tanganing dai maparong, siring
sa ginigibo nin tawo sa mga kamatean nin kalag: tinatahoban an mga iyan kan abo nin pagkabuhay na inaapod na indefirencia, tanganing dai maparong kan
trato sa aroaldaw kan satong mga kapuwa-tawo.
Isinabi ni Basilio sa luhay na tingog su saiyang mga pangadyeon asin hominigda sa kataid kan saiyang ina na nangangadyeng luhod.
Nakakamaté siya nin init asin lipot; pinaghinguha niyang ipiyong su saiyang mga mata na pinagiisip niya su saiyang ngohod na kan bangging naghohonang ma- katorog tangol kan saiyang ina asin ngunyan nagtatangis asin tinatakigan sa takot sa sarong gilid kan convento. Sa saiyang pagdangog minadaging uli itong mga ginasod na saiyang nadangog sa batingawan, alagad su saiyang isip pinon-an na maribarawan kan napapa- gal nang katalagahan, asin su espiritu nin huminilig sa saiyang mga mata.
Nakakita siya nin sarong lalamban na may duwang kandilang naglalaad. Su cura may borobagakay (213), sa kamot, mamondong naghihimaté sa sacristan mayor na nagtataram saiya sa sarong dapleng (214) tataramon, kaiba an mga makangingirhat na mga kinuratkurat. Nangingibigkibig si Crispin asin ikinalagkalag saén man su saiyang mga matang luha-luhaan na baga may hinahanap na tawo o nin saiyang matatagoan. Inatubang siya kan cura asin anggot na naghapot saiya asin hominagrob su hanapus. Su aki dominalagan ta matago sa likod kan sacristan mayor, alagad pinorogol siya kaini itinaya sa ongot-ongot kan cura; nakipag-arnes su makauugay, nagkiraykisay, nagkurahaw, pominukan sa salog, lominigid, tominindog, nadalinas, napukan, asin sinarag su mga hugpa kan tomagiktik, na kan malugadan, hinidalé niyang tagoon, asin nag- ooka. Nakita siya ni Basilio na nagpoporopiripit, pi- nagpoposak sa salog su saiyang payo, nahiling asin nadangog niyang hominagrob su pakol! Dai nang paglaom su saiyang ngohod tominindog, rongaw huli kan tinios niyang kolog, dinasmagan su mga nagpasakit saiya asin kinagat su cura sa kamot. Kominurag-it su cura, nabotsanan su badas; kominoa nin baston su sacristan mayor, pinokpok su aki sa payo asin ta ini napukan na daing pagkatawo; su cura, kan makamangnong nalugadan siya, tininyakan ito, alagad
