Su saiyang kókó natotókod kan saiyang pàlad, pinag- hihilinghiling su làad na madilaw (208) na halé sa baga, na an agi sanang mga baga kaini nagigi tolos na abo; sarong mamondó na hoyom minàbanggraw sa saiyang lawog. Nagigiromdoman nya su makaoogmang pato- odan dapit sa koron asin kalayo na ipinaokod. An sabi kan barobatà:
Aki pa sya asin namimidbid na nagkaigwa nin panahon na sya magayon asin mabansay. Su saiyang mga ma- ta, siring man su saiyang kalag, na garong itinao nya sa saiyang mga aki, magayon, haralabà su saiyang pirok asin hararom su paghiling; marayrahay su pagkaguhit. . ... Iyo an sinasabi kan mga tagalog na kayumangging kaligatan, kun sa pagkasayod, kayumanggi, an kuray malinig asin dalisay. Minsan ngani aki pa sya, an sakit okun, sakalé, an punaw, nagpoon nin pagkalog sa mga malulungsing pisngi; su saiyang mahibog na buhok, na kan énot na panahon kagayonan asin samno kan saiyang pagkatawo, kun husay pa, bakong kalandian, kundi sa kaugalean; sarong (1) pinotos na masipag na gayo, mayong mga agwita asin mga payneta.
Dai nin lusadlúsad sa harong sa laog nin nagkapirang aldaw, nagtahi sya nin sarong (1) badó na ipinapatapos saiya sa lalong madaleng panahón. Sya, sa pagkamit nin kuwarta dai suminimba kan agang ito, tara an panahon na ito ginamit nya sa pagduman asin sa paghalé sa banwaan na dai makulang sa duwang (2) horas! _ _ !an kadukhaan nakakadara sa pagkasala! ~~ Pagkahaman kan saiyang gibo, ihinatod nya sa kagsadiri, alagad ini nanugang babayadan sya.
Sa bilóg na maghapon pinaghorophórop nya an kagayagayahan sa laog nin kabanggihon naaraman nyang madatong su saiyang mga aki asin nagisip syang abia- bian an mga ito. Bominakal nin sardinas, pominodo sa saiyang sadit na tanaman nin mga marayrahay na kamatis ta batid nyang iyo an kakanon na amoma ni Crispin; nanghagad sa saiyang kanatad (209) na si filosofong Tasio, na igwang kabangang (1/2) kilometro an rayo kan pinageérokan, nin tapang opon asin paa nin damolag, mga ikabubuhay na amoma man ni Basilio. Asin pano nin paglaom nagsobong nin maputing bagas na inonay
