92
an átang tang kan mahal na Misa. Alagad an mga protes- tante dai nagtutubod kainiho, siring man an mga Padres griegos, tara, naghihidaw sinda nin tugsaran na ano man sa Banal na Kasuratan, asin sabi ninda an talaan sa pagkaigwa okun dai nin kalungdan natatapus sa pagkagadan, asin ta an Quodcumque ligaveris in terra (189) dai nangangahologan na usque in purga- torium, ete.; (190) alagad, masisimbag ini na mantang an Purgatorio nasa kalungdan kan daga, namumugtak na talaga sa irarom kan kapangyarihan ni San Pedro. Aldgad dai ako makakatapus kun kaipuhan na sabihon ko an gabos na sinabi dapat kaining bagay. Sarong al- daw kun boot nindong pag-orolayan ta iniho, paduman kamo sa sakong harong asin duman bubukahon nyato an dakol na mga libro asin hiwas asin matuninong nya- tong pag-oorolayan an siring na bagay. Ngunyan, mag- padram na ako: inda daw kun ngata ta ngunyan na banggi an paghab-on itinotugot kan kabanalan nin pag- kacristiano—Kamong mga may kapangyarihan pina- babayaan nindo iyan,—asin nahahandal ako kan sakong mga libro. Kun habonon sakuyaé an mga iyan tanganing basahon, papabayaan ko, alagad batid kong bulanos na dakol an mga boot somolo kaiyan sa paggibo sakuya nin gawé nin pagkatigay, asin an siring na pagkatigay na magkakanigo sa califa na si Omar, makangingirhat. Huli kan mga librong ini an iba naniniwala na ako saro nang condenado...”
“Alagad sa sakong pagluba minatubod ka sa pag- kacondenar?” an nakahoyom na hapot ni Doray na to- minambaraé may darang panay na may mga aralang na langkoy na pinagluluwasan nin madarat na aso asin ma- raot na alimyo.
“!Inda sana, sefiora, kun anong gibohon sako nin Mahal na Dios:” suminimbag si gurang Tasio na garong igwang iniisip. “Kun ako maghingagdan, daing takot na ipapamahala ko sa Mahal na Dios an sakong sadiri; gibohon sakuya kun ano an Saiyang muya. Alagad igdi ako nin naisipan.”
“Asin ano an naisipan mong iyan?”
“Kun daing ibang magpapakaligtas kundi an mga catolico lamang, asin sa mga ini lima (5) sa lambang sanggatos (100), siring sa sabi nin dakol na mga cura, asin an sarong ceaeaneclane (1/10) kabtang kan mga tawo sa ibabaw nin daga binibilog nin mga catolico,
