“Ngunyan na dai sya, mapapagolayan ta nanggad an bagay na ini siring sa magkakanigó. Si Doray, minsan ngani may pagkaoroanitera,sarong marhay na catélica, asin dai ako oyon na haleon sa pusó an pagtubod: sarong pagtubod na dalisay asin masipag, napapalaén sa labislabis na pagtubod, siring kan laad, sa aso, siring kan togtog, sa kaparalyakan: an mga kulapós an isip siring kan mga bongog nagkakarilibong kaiyan. Sa satong pagiriba makakasabi kita na an pagtubod sa Purgatorio, marhay, banal asin tama sa pagisip; nagpapadagos kan pagkaborogkos kan mga gadan na asin kan mga buhay pa, asin minásadol nin orog kadalisay na pagkabúhay. An karatan nasa kapalatilabihan naginigibo huli kaiyan.
“Ngunyan hilingón ta kun paanong an bagay na ini nakabalyo sa catolicismo na dai man iyan sa Biblia, dai man ngani sa mga Santos Evangelios. Dai lamang kaini nakasambit si Moisés, minsán si Jesucristo, asin dai igó an iyoiyong guhit na sinambit ninda halé sa libro kan mga Macabeos, saró pa, an libro na ini ipinahayag na kan concilio nin Laodicea na apocrifo (181), asin dangan na sana ogaring inakó kan Santa Iglesia Catélica. Sa religion pagana dai man nin nakakaagid sa Purgatorio. An parating sinasambit na sintrat ni Virgilio iyo an Aloe panduntur inanes (182), nakatao ki San Gregorio el Grande nin dahelán sa pakapagsabi dapit sa mga nalalamós na mga kalag, asin pinadakulá ni Dante sa saiyang Divina Comedia, dai magiging gikanan kan pagtubod na iniho. Maging su mga bramanes, maging su mga budhistas, maging su mga egipcios, na mga nagtao sa Grecia asin sa Roma kan saindang Capitolio asin kan saindang Averno (188), marayó man nin nakakaagid sa siring na bagay. Dai ko sinásambit an mga katinubdan kan mga banwaan sa gamping amihanan kan Europa: an mga ini, mga katinubdan nin mga matilalaban, mga tagapagawit asin mga paraayam, alagad bakong sa mga filosofo, minsán ngani iniingatan pa ninda an saindang mga tindtubod asin mga rito, na pinagsacristiano, alagad dai nagpakaiba sa saindang mga hukbo sa pagsalakay sa Roma, dai man nagpakatikaw sa Capitolio: mga katinubdan nin alisabo na minapirawas huli kan tala-init sa luntokan.—Tara, su mga cristiano kan’ mga énot na mga sandbahad (184) dai nangagtubod sa Purgatorio: nagkakagaradan dara
