Susog sa mga probisyon kan ley asin sa pinagboboot kan Kongreso
an Gobyerno kaipuhan maggibo nin mga palakaw sa pag-inisyar asin
pagsustenir sa paggamit kan Filipino bilang opisyal na midyum nin komunikasyon,
asin bilang lenggwahe nin instruksyon sa sistemang edukasyon.
Sek. 7. Sa obhetong komunikasyon asin institusyon an mga opisyal na lenggwaheng gagamiton kan Pilipinas iyo an mga Filipino asin, sagkod dai ipinagboboot kan ley, English. An mga rehyonal na mga lenggwahe iyo an mga lenggwaheng opisyal sa mga rehyon asin kaipuhan magserbi bilang katabang na midyum nin instruksyon.
An Espanol asin Arabic kaipuhan pauswagon sa paaging boluntaryo asin opsyonal.
Sek. 8. Ining Konstitusyon kaipuhan ipromulgar sa Filipino asin English asin kaipuhan itranslar sa mga mayor na lenggwaheng rehiyonal, Arabic, asin Espanol.
Sek. 9. An Kongreso kaipuhan establisaron an sarong Komisyon nin Lenggwahe Nasyonal kumpwesto nin mga delegado hale sa iba-ibang rehiyon asin mga disiplina na kaipuhan maggibo, magkoordinar, asin magpromoter nin mga pagsiyasat para sa pagpapauswag, magpropagar, asin magpreserbar kan Filipino asin kan iba pang mga lenggwahe.
Sek. 10. An siyensya asin an teknolohiya kaipuhan para sa pagpauswag asin progresong nasyonal. An Estado kaipuhan tawan nin prayoridad an pagsiyasat asin pagpauswag, imbensyon, inobasyon, asin an paggamit kan mga ini; asin sa siyensya sagkod teknolohyang edukasyon, training, asin mga serbisyo. Kaipuhan suportahan an mga lokal, an magagamit na siyentipiko asin kapabilidad teknolohikal asin na pag-aplikar kan mga ini sa sistemang pagproduser kan nasyon asin kabuhayan nasyonal.
Sek. 11. An Kongreso pwedeng magtao nin mga insentibo, kaiba na pagbawas sa bwis, sa pag-enganyar sa pribadong partisipasyon sa mga
