Plantilya:X-larger
NI
Plantilya:Xxx-larger
Plantilya:Bar
CAPITULO I.
1 Si Santiago, na oripon nin Dios asin nin Cagurangnan na si Jesucristo sa cagduang capagaraquían na nagpacauarac, an carahayan macamtan.
2 Magña tugang co, ipagogma nindo nin macuri con maholog camo sa magña manlaen-laen na magña sugot;
3 Na nacacatalastas camo na an pagpatotoo can saindong pagtubod nacaguinibo nin pacatíos.
4 Alagad an saindong guibo magcaigua logod nin pacatíos na mahusay, tagñaning magui camong magña sangcap asin magña mahusay, na day magculang sa tibaad nang bagay.
5 Asin con an saró sa saindo iguang caculagñan sa cado- nogñan, homagad sa Dios caiyan, ta siya minatao sa gabos nin macuri cadacol, asin day nagsasayuma: asin itatao, sa saiya.
6 Alagad hagadon sa pagtubod, na day magduadua nin anoman: haros ta an nagduduadua nacacabaing sa onos nin dagat, na naheheró can doros, asin ta dinadará minsan sain.
7 Day nangayod maghoná an siring na tauo na magcacamit siya nin anoman na bagay sa Cagurangan.
8 An tauo na iguang duang pagisip day magdadanay sa gabos niang magña dalan.
9. An tugang na hababá an saiyang palad, magogma sa cahalangcauan niya:
