guibo. Ining magña bagay na ini anan na magña marhay
asin mapapaquinabagñan nin magña tauo.
9 Alagad an magña caribocan ó pasuhay na magña cablas asin magña pagsosog nin pagcasorosoronod nin guinicanan, asin magña pagpasuruhay, asin magña pasirimbagan dapit can ley ó catogonan, maglicay ca; huli ta anan na mayó nin paquinabang asin magña basang sana.
10 Sayumahan mo an tauong hereje ó lolong (ta nagpapainda can pagtubod), pacatapus can saró asin icaduang cahatolan;
11 Sa pagtubod na an siring ay nababalising, asin nagcacasalá, na sinisilotan nin sadiri man sana niyang paghocom.
12 Con isobol co sa saymo si Artemas, ó si Tychico, maghigñoa cang domigdi sa sacuyá, sa Nicópolis: huli ta dian pinagmarhay cong mag-ontoc sa tiglipotan.
13 Si Zenas paratocdó ó madonong sa ley, asín si Apolos, isobol mo, sa enotan, na tigayonon mo na day sa sainda mag- culang an anoman.
14 Asin magñagadal ó magpacanood siring man sana an magña mapadapit sa satuya na magñataman sa magña marhay na magña guibo manogñod sa macacaipuhan na magña paggamit, tagñaning day maguing mayó nin bugña.
15 An gabos na uya nasa sa caibahan co minataong galang sa saymo. Magtao ca nin galang sa magña namomoot sa satuyá dian sa pagtubod. An biyaya macamtan logod nindo gabos. Auot pa.
