45 Asin saindang ipinagpapabacal si magña sadirí asin magña daga, asin pinagbaragñâ ninda sa gabos, siring sa caipuhan
nin balang sarô.
46 Asin nagcacasararô sinda sa pagdanay aro-aldao sa templo, asin pinagborobaragña an tinapay sa harong, nagcacasararò sa pagcacán na may caogmahan asin calinigan nin pusô,
47 na inoomao an Dios, asin nagca-iguá nin biyaya sa bilog na banua. Asin dinadagdagan aro-aldao nin Cagurangnan an casararoan nin si magña ilinigtás.
1 Si Pedro asin si Juan nagsasaracat sarong aldao sa templo sa oras nin pamîbî, sa oras nin nona.*
2 Asin sarong lalaqui na pilay magpoón pa sa tulác nin saiyang ina, dinará dumán, na ini ibinobugtac ninda aro-aldao sa pintoan nin templo na inaapod na Magayon, ta gñaning maghagad nin limós sa magña nagraralaog sa templo.
3 Ini can mahiling si Pedro asin si Juan na nagraralaog sa templo, naquimaherac na tauán sia nin limós,
4 Asin si Pedro, na caiba si Juan, pinagtorohocan sia can magña matá, na sinabihan, Hiligñon mo camí.
5 Asin sia hiniling sinda, na naghahalat na mag-acò sa sainda nin anoman.
6 Asin si Pedro sinabihan sia, Day acó nin pirac ó bulauan; tará an nasa saco itataó co saimo: sa gñaran ni Jesu-Cristo na tagú Nazaret, tomindog ca asin lomacaó ca.
7 Asin quinaptan sia sa toong camót, binuhat sia: asin tolos man saná nagcorosog an saiyang magña bitís asin magña boca-bọcó.
8 Asin naglocsó, tominindog, asin naglacaó, asin naglaog na caiba sínda sa templo, na naglalacaó, asin naglalocsó, asin inoomao an Dios:
* Nona-Álas tres nin hapon.
