7 Nagsabi gñani qui Pedro idtong discípulo na namomôtan ni Jesús, An Cagurangnan ini. Si Pedro gñani, pagcadagñog na an Cagurangnan, nagtahob can saiyang túnica sa para-sira (buli ta huba), asin suminogbó sa dagat.
8 Tará an ibang magña discipulo nagdoroloc sa sacayán na sadit, huli ta bacong labi ca harayó sa daga cundi may magña duáng gatos na sico, na pinaggogoyod an hicot pano nin magna sirâ.
9 Iyo idtó gñani can macahâuás na sinda, pasiring sa daga, nahiling ninda an magña bagang uring, asin saróng sira na nasa ibabao, asin tinapay.
10 Sinabihan sinda ni Jesús, Magdará camó digdi nin sirâ na nadacóp nindo gñunian.
11 Nagsacát si Simón Pedro sa sacayán, asin dinará sa daga an hicot pano nin daraculang sirâ, sangatós may limang polò may toló asin minsan canigoan cadacol, alagad day naguísi an hicot.
12 Nagsabi sainda si Jesús, Madiá camó asin magcaracán, camó. Asin day nin si-isay man sa magña discipulo na naggñahás maghapót saiya, ¿Si-isay ca? na namimidbid na iyó an Cagurangnan.
13 Nagharani gñani si Jesús, asin quinuá an tinapay, asin tinauán sinda, asin siring man an sirâ.
14 Ini iyo na an icatolóng pagpahiling ni Jesús sa magña discipulo, pacatapus nin pagcabuhay nia liuát sa magña gadan.
15 Asin can macacacán na gñani, si Jesús nagsabi qui Simón Pedro, Simón áqui ni Jonás, namomoót ca sa sacô oróg qui sa magña ini? Nagsabi saiya. Ohô, Cagurangnan; icá nacacaisi na namomôtan ta-cá. Nagsabi saiya: Pasabsabón mo an sacong magña carnero.
16 Nagsabi saiya liuát, sa icaduá, ¿Simón, áqui ni Jonás, namomoót ca sacó? Si Pedro nagsimbag saiya, Ohô Cagurangnan; icá nacasaisi na namomótan tacá. Nagsabi: Atamana an sacong magña carnero.
17 Nagsabi saiya sa icatoló: ¿Simón, áqui ni Jonás, nanomôtan mo acó? Namondo si Pedro na sinabihan sia nin macatoló: Namomotan mo acó? asin sinabihan sia, Cagu-
