5 Asin sa casogoan, si Moisés nagboót na gapoon an magña siring na babaye; alagad ¿anong sabi mo dapit sa saiya?
6 Asin nag-sarabi sinda caini, sa pagsugot saiya, ta gñaning macácua nin icasombong sinda. Alagad dominocô si Jesús, asin sominurat can saiyang morô sa daga.
7 Tará huli ta dinagos siang pag-hapoton, tominanos asin sinabihan sinda, Si-isay man na day nin casalan sa saindo, sia an maenot gomapô sa saiya.
8 Asin dominocô liuát na nag-surat sa dagâ.
9. Asin sinds can madagñog ini, nagñagruluas sarô-saro, mag-poón sa magña magurang sagcod sa magña nanhuhudian. Asin si Jesús iyó saná an naualat, asin si babayeng nacatindog dumán sa tahao.
10 Asin tominindog si Jesús gñani, asin can mahiling na day na ni si-isay dumán cundi an babaye, sinabihan sia, Babaye ¿saen na idtong magña nagsorombong na tumang saimo? ¿daing nag-hocom sa saimo?
11 Asin sia nag-sabi, Cagurangnan, day nin si-isay man. Asin si Jesús sinabihan sia, Ni acó man day saimo mag-hohocom. Lacao-na; asin mag-poón gñunian day caná magcasala.
12 Si Jesús gñani pinag-taraman sinda liuát, na nagsabi: Iyo acó an ilao nin quinâban. An somonod sacô day maglalacao sa cadicloman, cundi magcacaiguá can ilao nin buháy.
13 Nag-sarabi gñani saiya an magña Fariseo: Icá nag-papatotoo dapit sa saimo man sana; an pag-patotoo mo bacong totoo.
14 Si Jesús nag-simbag asin sinabihan sinda: Minsan acó nag-papatotoo dapit sa sacô man sana, an sacong pag-patotoo iyó an totoo; huli ta na-iisihan co cun saen acó halê, asin cun saen acó madumán; alagad camó day nacacaisi cun saen acó halê, asin cun saen acó madumán.
15 Na nag-hohorocom canó siring sa pagcatauo, alagad acó day minahocom sa qui-isay man:
