31 Asin sa cadaclán balaquid an nag-turubod sa saiya; asin nagsasarabi, Cun an Cristo pomadigdi, ¿mag-guiguibo dao nin labi pang magña tandâ qui sa magña guinibo caining tauong ini?
32 An magña Fariseo nadagñog si cadaclán na nag-liliblib nin siring dapit sa saiya; asin si magña poón nin si magña sacerdote asin si magña Fariseo nag-sorogo nin imagña alguacil ta gñaning dacopon sia.
33 Asin si Jesús nag-sabi, Cadiquit pang panahon magoontoc acó sa saindo; pacatapus madumán acó sa nag-sogô sa sacô.
34 Hahanapon acó nindo, asin day acó nindo macucuá; asin dumán sa naoontocan co camó day macacapaduman.
35 Dagñan an magña Judio nag-sasarabi sa sainda: ¿Saén padudumán ini, na day ta sia mácua? ¿padudumán gayod sa magña nag-pacauarac sa magña Griego, asin mag-totocdô sa magña Griego?
36 Anong tataramon ining isinabi: Hahanapon acó nindo, asin day acó nindo macúcua; asin dumán sa naoontocan co, camú day macaca paduman?
37 Asin can huring aldao hin daculang fiesta, Si Jesús tominindog, asin cuminurahao, na nag-sabi, Cun si-isay an napapaha, pomadigdi sa sacò, asin ominóm.
38 An minatubod sa saco, siring sa nasasabi sa casuratún, Sa laog nin saiyang tulác mag-bobolos an magña sálog nin tubig na buháy.
39 Alagad ini isinabi dapit sa Espiritu naaacoon nin si magña minatubod sa saiya; alagad an Espiritu Santo day pa minadatong sa saiya, huli ta si Jesús day pa napapamurauay.
40 An magna ibá gñani nin cadaclán, can madagñog ining magña tataramon, nag-sasarabi, Totoong gayo na ini iyó an profeta.
41 An magña ibá nag-sasarabi, Ini iyo an Cristo. Alagad an magña ibá nag-sarabi, ¿Tádao madigdi an Cristo halé sa Galilea?
42 ¿Day nag-sasabi an casuratán na an Cristo madigdi guican sa capagaraguian ni David, asin sa Betlehem, an barrio na naoontocan ni David?
