Sa mga pangpang man na pigbobolosan,
Daing pipainda an katalagahan;
Pinaghihinguhaw madónong na ádal
Nin dangog mamugtak sa kahalangkawan.
- Sa saíyang ngosó túbig na anílag,
Langit na gawé dánay an pagrílag,118
Kan katinubdan nya húlit na mangílad,119
Rigon nin karat-an minalúyang labat,
Nagkakaburusí mapupúting alon,
Nagdadasídasí tugsak120 na baybayon;
Magkikinanawa man an may kagadanon,
Tomongkas sa dalan nin mga langitnon.
- Asin ta sa daghan táwong makaúgay,
Bibag-id an láad nin gáweng marahay
Gigapus an kamot lolong na criminal,
Ining karangahan bibobhó sa daghan,
Hihánap an dónong mapakinabangan,
Pusó pipagláad sa marhay pagmahal:
Bangsawa, masúnod iniho na ádal
Na sa kabuhayan, ay, sadyang paómay.
- Asin bato bagang nagbutwang maabhaw,
Nin mahagobóhob na alon sa táhaw,
Dumágat maísog kan bagyo pagóngal,
Anggot kainiho pinagbasangbásang;
Alon minakulbá sa katiwasayan,
Baga nagdadara di masábing handal;
An namamahalá madónong na ádal,
Pamitik kan bansá an nagpapalakaw.
- Sa mga zafiro pangyari ilúngat,
Sa sangríbong dangog an bansá isángat,
Kan mga akí nya daghan an bangsíwat121
Hinobó kan bandik122 masangáyang búrak;
Pagmahal sa marhay lomgom sa giráray,
Mga gobernantes magsasaksing túnay,
Dayúpot na pálad bangsawang banwaan,
Nagmamalasakit sa kristyánong ádal.
- 118 Pagbolos.
- 119 Mascripot.
- 120 Dai mahihiró, pirme.
- 121 Noble.
- 122 Virtud.
