- Madónong na ádal, maginhawang hangaw,
Na minatúlahok nin gáweng mabansay, Bansá iitaas halangkaw na túkaw, Sa makasosolang natis na muráway. Dalimasang símuy malúhay na hoyop, Hihidyawan lindong búrak na mahamot; Síring man an ádal, sa pantás na kamot, Pinapadakulá an tawo nanggayod.
- Ada112 inaátang huli sa pagádal,
Hingálong mabansay nin may kagadanan; Nin huli saiya 113 nakikitang sabay An síning,114 an dónong sa dagá paglataw; Sa tawo nalikos nin mga tagumpay, Baga alitoktok búkid na halangkaw Minabulakbugak túbig na malínaw, Sa saíyang Bansá érok nin tiwásay.
- Nabugtak nin trono madónong na ádal,
Mga kaakían minatúbang bílang, Na minapahubyá mga kamalean, Pinapadakulá isip na bangsawan;115 Maráot na gawé wiwasak na pírit, Maitom na salá nangingibigkibig; Mailyas na bansá lubos na lilúpig; Halé sa gamuhod¹16 gigibong manalhik.117
- Síring sa burabod nagtataong buhay
Sa mga tinanom, sa katanayadan, Pinagpapabolos túbig na malínaw, Ginhawa tumao pagbaribi dánay
______
- 111 Minaverde, minarayráhay.
- 112 Existencia, pagkabuhay.
- 113 Huli sa pagádal.
- 114 Arte.
- 115 Noble.
- 116 An diklom nin dai pakasábot.
- 117 Lider, o campeon.
