Pahina:Mga Rawitdawit Ni Jose Rizal.pdf/20

xix

Asin... "hingaló an kagadanan." Nagpaáram sa

saiyang mga magúrang, sa saíyang mga túgang, sa mga katóod nin pagkaakí, sa dapleng mahamis, kaúgay nin boot asin saiyang kaogmahan... Dumán, duman gabós náwalat: mga pagkamoot asin mga minamahal; asin sya naghalé; mapasiring sa

"Roná na daing oripon an sakong padudumanan,

Pagtubod dai mágadan ta an Dios an hadé lámang."

Inoolit nyamó: gabós katiwasayan asin pagkamoot.

Dai mi boot tapuson an ádal na ini na dai nyamó

sambitón na sarong criticong kastilá, sa pagtaram dapit ki Rizal, bilang tagapagáwit, nagsabi, na bílang tagapagáwit, linabisan sya kan saíyang mga kahimansá na si Guerrero asin si Apóstol. Saró pang crítico, na kastilá man, habong omoyon kan kapahayagan na ini, sa pagsabi na dai sya nakasompong sa iba nin siring kabulanos na kamatean, pagkadaing-interés asin kahalangkawan nin mga katuyohan, na síring kan sa Paáram, ni Rizal, "laen pang linahidan kan dugó nin martirio."

Manila, Diciembre 16, 1946.

J. C. de V.

_____

⁶³ Dayuhan; taga-ibang dagá.