Pahina:Mga Rawitdawit Ni Jose Rizal.pdf/117

- 94-

Magpoón kaito binobhó sa ísip,

Nin ómaw, muráway, mapangdigmang áwit 360
Sa akí ni Aram, baga sarong gánid,
Kasu sa tagumpay ni Jova²¹⁵ binilhid^.216

Sa ki Jeremías saímong sabihon
Sa saró na tingog na malipung-awon,
Na ipinanongod David na banalon,
An saíyang dálit giromdom kan Sion²¹⁷365

Símong hinanakit mabangis na Pálad,

Sa sakong pagdangog kuminalatikat,
Sakúyang binuksan itong sarong aklat,
Nin banal na tákot sadyang nagsasabwag; 370
Asin ta duman nasompong mong labat
Símong kapaladan na kangongirhat;
Nin mga aliboy ika makasongkat,
Sa saímong dalan sa símong paglákad.

Huli sa saimo tinarok bílang, 375

Sa dalan mo nganí an pútik na ngaran,
Ipaglalaban mo símong kapaladan,
Síring sa nalúgad bagang manglalaban;
Nin mga buklit²¹⁸ na magkagúrang man, 380

Ididikta simo sa tronong halangkaw,²¹⁹
Mapapalaen ka sa mga linalang,
An kahalimbawá káhoy na lawaan;
Sa saiyang lagdá pakaiingatan
Kan Salaysay nganí an diosnon mong bangraw, 385
Asin ining dagá maluwas na saday
Sa dakúlang gayo bagang kabantogan
Laló pang masaga sa siga kan aldaw.

Kun síring, Miguel, lakaw,

Asin kan isip mong malínaw, 390
Nin liwanag kinatipunan,
Sa saímong dagá nagbangraw,
Tubusa an pangkat nin mga rongaw,
Rabsinga an maitom,
Madiklom ngani na lambong. 395

_______

²¹⁵ Ngaran nin Dios sa Hebreo.

²¹⁶ Ipinahayag.

²¹⁷ Sarong bukid sa Palestina.

²¹⁸ Página.

²¹⁹ Maghalé sa langit.