Na ipinapanong marhay
Sa sakong kadalitaan
Kan mga panglilinglang?325
- "Babáyeng áking padangat
Kan naglalang kan búrak,
Kan burábod, mga pátag,
Mga jazmin ngáning labat;
Ipinangakí ako sa liwánag,330
Na mabanggraw, maanílag,
Nagdakulá akong háyag
Sa tanaman na banayad
Nin Eden, máyong kasugad;
Sakong pinagkakaogdan335
Nin marhay na kapaladan
Siisay man na linalang,
Sa sakuyá minatúkaw,
Nabubuhay ako sa kaibahan
Kan mga serafín na mga pakpakan,340
Asin sa pagpadalahay,
Kagayonan asin bansay,
Pinapagayon kong tunay
An maoyaya na katalagahan.345
- Nagkaigwa ngáning aldaw,
Síring sa búrak na mahal,
Ako nagpadalahay,
Nin pálad na marahay,
Asin nin kamongayahan350
- Igwa nin panahón, na, síring na búrak,
Ibinobhó nyakó mabansay na pálad
Sa duwang linalang na angel kasugad,
Mga kagurangnan nin dai-tibáad;
Kundí sarong aga, nin huli ta kúlang355
!Ay! nin pakabátid si Evang mabansay,
Pinakamongaya sa kababayehan,
Naginom kamandag na taga gagamban.214
- 214 Infierno.
