kan polvos kan clavo de comer, sarong kutsarang mostaza asin pimienta de jamaica (All spice) asin 3 kutsarang asin 1/2 tasang asucar na tercera clase. Kun luto na, ilaog sa garapon asin higpitan an takop
Ibontog sa nagkakalakagang tubig, haleon an ubak asin guirison patin lutoon sagkod na maglomoy. Mantang nagkakalakaga pagtagahalean kan sabo asin dagnan ibogtak sa patin takpan nin mahigpit.
Labonan an camates, halean kan ubak asin pagapaton na pidaso. Patition asin ibogtak sa garapon asin bogtakan kan asin (sarong kutsaritang asin sa sarong litrong camates.) Higpitan an takop asin isaray. Bago isaray pakalakagaan ngona sa garapon na may laog nang camates.
Magbabad kamo nin mongo sa tubig sa sarong atia na maghapon. Dagnan halean kan tubig asin tahuban na kan basa o dumog na trapo. Pagtagaririhan pagka-aga asin dagnan takpan guiraray kan trapong basa. Sa laog kan duang aldao, matambo na an mongo o bichuelas man An togue sarong clase kan gulay na masustancia sa hawak kan tawo. Kun labi nang sarong pulgada an laba mangyayari nang igulay boot.