dagnan pritoson sagkod na magpula asin maluto. Kun luto na gabos haonon. Ibogtak sa kawali an guiniris na seboyas asin duang camates na guiniris man, bogtakan nin sarong tasang tubig, ibogtak guiraray an pritong manok. Asin bayaan namaluto nin luhayluhay. Dagnan haonon.
- 1/8 kilo kan miki
- 1 pusong bawang
- 1/4 kilo kan karne asin kan laman nin manok
- 2 seboyas
- 3 tokua
- asin, patis kan sira saka limonsito na kaipuhan
- 1/4 kilong bihon
- 1/2 tasa kan bacalao
- 1 tasang tubig
- 2 kutsarang guiniris na kinchay
- 3 sogok na linuto
Guirison an carne asin an manok. Ibabad an miki, an bihon sa malinig na tubig. Guirison an linutong sogok, tokua asin an seboyas. Magbogtak kan mantika sa kawali asin guisahon an bawang, seboyas, tokua, kinchay asin an guiniris na bakalao. Kun luto na ini gabos haleon asin ibogtak naman an miki asin an bihon saka bogtakan nin tubig asin pakalakagaan nin pirang minuto. Lutoon nin aparte an carne asin an manok. Dagnan ibogtak sa sarong bandejado an miki asin an bihon, saka ibogtak sa ibabao an guinisang seboyas, tokua, manok,karne, asin gabos na magna recado. Pagkatapos ibogtak naman sa ibabao an guiniris na sogok na bilang samno.