- 1/2 tasang mantekilla
- 2 tasang harina
- 1/2 kutsaritang asin
- 1/2 tasang gatas
Sirnihon an harina asin an baking powder asin imasang marahay sa mantekilla. Bogtakan nin gatas gnaning maguibong minasa alagad ta dai pakagnanaan an gatas. Kun namasa nang marahay an harina paliguidan kan malinig na bote o tibaad nang bagay; guibohon na mahimpis na dai man lulampas sa 1/4 pulgada an hibog, asin dagnan piridasohon nin 5 pulgadang cuadrada. Ibogtak an piridasong laman kan manok na may timplang asin sa ibabao kan balang cuadradong minasa dagnan patosan an manok kaiyan. Kun nahaman na, ibogtak na mahusay sa sarong bobogtakan na ignatan na dai magdorokot saka ilaog sa hurno asin lutoon sa laog kan 25 minutos. Bago haleon sa hurno pahidan kan binating sogok an ibabao kan balang saro.
Lutoon an gabos na natadang manok sagkod na maglomoy. Tadtaron nin pino an laman. Magbogtak nin mantika sa sarong kawali asin iguisa an guiniris na seboyas na papulahon gnona bago idugang an tinadtad na camates asin dagnan ibogtak an magna guiniris na patatas, apio, asin carrot. Bogtakan kan sabao kan manok sagkod na maluto an magna gulay, dagnan ihulog an manok na tinadtad o guniris. Timplahan kan asin; bogtakan kan kadikit na harina sa ibabao, asin timplahan man kan pemienta. Kun luto na haonon.