Mantang an gabos dai man makakaagod na magbono kan pavo kun Pasko o Navidad, kumua nin sarong manok na mataba asin iyong bonoon sa lugar kan pavo asin ta mahihiling nindo kun gurano karahay an manok. Pagborolagon an magna bitis asin baakon an pecho. Iluto an magna kabtang na may tolang na kaibahan an laman sa laog; alagad ta lanogon na marahay gnona bago iluto asin ta magkakaigua kamo nin masiram na sabao. An magna laman kan manok bogtakan nin asin kan harina. Magprito nin kadikit na hamon asin guibohon na bolabola an laman kan manok saka iprito na papulahon. Ibogtak an dakulang pidaso kan pritong hamon sa kawali asin sa ibabao kaiyan bogtakan nin manok na gunibong bolabola asin dagnan tahuban guiraray sa ibabao kan pritong hamon na dakula asin dagnan bogtakan kan sabao kan manok asin ta bayaan na maluto na luhayluhay sagkod na maglomoy. Kun luto na ipuesto na may kamoteng binabad sa hielo. Magubak nin walong kamote asin baraakon na pahalaba asin pakalakagaan sa tubig na may asin sa laog kan 10 minutos. Patition asin itaraytaray sa kawali na may pahid na mantekilla na dai magarabot an magna guilid. Bogtakan nin refinadong asucar na segunda clase sa ibabao asin samnohan kan mantekilla sa ibabao. Ilaog sa hurno asin lutoon sagkod na maglomoy an kamote.
- 3 kutsaritang baking powder
- 1 sogok56
