Magluto nin sarong dumaragang manok; kun malipot na, haleon an laman. Ibabad an sarong kahita kan gelatina sa kabagnang tasang tubig sa laog kan kabagnang oras, asin dagnan bogtakan kan apat na tasang sabao kan manok na bokagon asin lutoon sa sarong minuto.. Haleon na sa kalayo asin timplahan nin asin na dugagnan nin sarong kutsarang tagok kan suhang pinaroy. Bogtakan kan guiniris na lutong sogok, asin kan aceite de olivo an lobot kan hurmahan asin ibogtak an manok saka buhusan kan sinara na gelatina. Ibogtak sa laog kan "ice box" tagnaning maguin matagas.
- 6 na lutong matagas na sogok
- 2 tasang pano kan guiniris na lutong manok
- 1/2 tasa kan polvos nin tinapay na isinalak sa sarong kutsarang mantekilla na tinunao asin duang tasa kan sabao nin manok.
- 1 kutsarang asin
- 1/2 kutsaritang pemienta
Guirison nin fino an sogok. Gumibo nin sopas kan mantekilla na tinunao dagnan salakan kan harina asin timplahan. Ibogtak na luhayluhay an sabao. Pagkatapos na magkalakaga na ay haonon asin ibogtak an kabagna sa manok asin an kabagna sa sogok naman. Ibogtak na mahusay sa hurno asin bogtakan sa ibabao kan polvos kan tinapay asin dagnan ilaog sa hurno asin lutoon sa laog kan 1/2 oras.