kod na maluto an patatas.
Kun malinig asin napagporopidaso na an kanding, ibogtak sa kawaling may mantika; kun mapula na, haonon; isunod digdi an tinadtad na bawang asin an seboyas asin haonon man guiraray kun luto na. Pagkatapos isunod naman an piridasong katoy asin kun mapula na ay haonon naman. Matapos na ini maguibo palison sa sarong koron an natadang mantika, dagnan ibogtak an hinaon na canding, an seboyas asin an tubig pati an vino blanco asin ta bayaan na maluto sa kalayo asin ta kun nagnagnabagnaan na an pagkaluto idagdag an liniguis na lada asin an katoy na may mantika, bayaan sa dapog na maluto nang padagos sagkod sa magsarsa.
Tadtadron an carning baka saka guisahon sa mantika, timplahan kan asin, pemienta, asin seboyas na guiniris, sarong dahon nin laurel, asin nagkapirang guiniris na tocino. Basaon kan pirang kutsarang sabao dagnan patosan kan minasang harina saka iluto sa sarong hurno sa laog kan saro duang oras.
Bogtakan an sarong hurmahan nin minasang harina asin dosokon sagkod na humibog na siring kahibog kan un peso de plata, dagnan bogtakan ka guinisang carne na siring kan nasambit sa enotan saka patoson guiraray kan minasang harina, dag-
