lak na taba, dagnan guilignon o tadtadron nin fino. Timplahan nin asin, pemienta na polvos, pamenton, pirang tipasing bawang na dinokdok. Masahon nin marhay tagnaning magkasorosaralak asin bayaan na siring sa laog kan 24 na oras. Dagnan pagkatapos ilaog sa dakulang bituka nin baka na malinig, saka gakdan sa magibongibong asin ibogtak sa tognod kan dapogan. Pagkilihis kan pirang aldao ibogtak sa lugar na nadodorosan.
Magtadtad nin laman nin baka, iguisa sa kawali na may mantika, bawang seboyas, kamates, dagnan timplahan nin kadikit na suka pati asin pakatapus bayaan na maluto an carne. Pagkatapos buhusan nin mainit na tubig, salakan kan lombod na dahon kan lada, asin saro o duang dakulang ladang mara-hang dagnan bayaan na maluto.
Pomili kan malomoy na carne kan baka, idtong guikan sa lomo. Pidasohon nin mahihimpis asin ibogtak sa kawali na may mantika asin toyo, bayaan sagkod na maluto dagnan ibogtak sa platito asin pogaan kan suhang pinaroy o limonsito man.
Magtadtad nin laman niņ baka asin guisahon sa mantika na may pirang tipasi nin bawang asin seboyas na tinadtad. Bokagon sagkod na maglomoy nin kadikit an carne, dagnan isalak an patatas na guiniris na korocuadrado, asin pakalakagaan sag-