dagos man guiraray an pagkakalakaga. Bogtakan man kan kabagnang copa kan vino de jerez asin pakalakagaon pa nin pirang minuto.Sa sopera ba pagbobogtak kan sopas na ini magbati kamo nin duang sogok asin dagnan ibogtak dyan an sopas asin ipuesto sa lamesa. Guibohon na maguin timplado an namit.
SOPAS DE GALLINA
- carne kan manok
- 2 kutsarang bagas
- 2 kutsarang parsley
- 3 kutsarang celery
Pidasohon an manok asin gagaon sa tubig sa caserola asin ibogtak an bagas kun harani nang maluto an manok. Idugang an parsley asin celery. Lutoon na sarong oras. Timplahan kan asin.
SOPAS NA SITSARO O GUIS
- 1-1/2 tasang sitsaro o 1 latang guisantes
- 5 tasang tubig na malipot
- 1 seboyas
- 2 tasang gatas
- 3 kutsarang mantekilla
- 1 kutsarang harina
- asin saka pemienta
Ibabad sa tubig an sitsaro na banggui pa. Pagkaaga haleon an tubig asin ibogtak sa tubig na nagkakalakaga sagkod na maglomoy. Timplplahan kan asin saka pemienta. Idugang an gatas. Tunawin an mantekilla asin isalak an harina dagnan sa sopas, sagkod na maluto. Ipuesto na mainit pa na kaibahan kan soda biscuit.