bawang asin bogtakan iyan kan 1/2 litrong suka, asin pakalakagaan na magna 10 minutos dagnan patitian liwat. Kinaagahan idugang an suka na may timplang pemienta saka asin, asucar, celery (pisog), mustaza asin lada sa atsara, bogtakan kan suka na igong makatahob kan atsara. Lutoon na magna 15 minutos. Dagnan ibogtak an nagkakalakagang atsara sa garapon, panoon asin takpan tolos na mahigpit.
- MAHAMIS NA ATSARANG IBA
Maguiguibo ini siring kan pagguibo kan mahamis na atsara kan pipino. An iba na nahalean kan alsom magagamit sa lugar kan atsarang pipino asin ensalada kun boot.
ATSARA NA KAAROG KAN INDIAN RELIS
- 1 hilao na tapayas
- 2 hilao na camates
- layang sadit na pidaso
- 1 tasang suka
- 2 sadit na hilao na lada
- 1 sadit na seboyas
- bawang
- 1 kutsarang asin
Hugasan asin guirison nin pino an gabos na nasambit sa itaas. Pakalagakagaan nin 15 minutos sagkod na maglomoy sa suka, asin saka asucar. Kun luto na takpan asin bayaan na maglipot. An atsara man sanang ini na pinakalagakagaan na sa tubig ta panatitian, mangyayaring bogtakan kan anoman sasarsa na siring kan guinagamit sa ensalada.