Dai pa ipinagbalido an pahinang ini
Ubakan an gabos na lanzones asin pagignatan na dai maronot. Timplahan kan tagok nin lemon asin mantekilla kun igua. Ipuesto sa plato.
AN ASPARAGUS SA LAOG KAN LADA O SILI (ENSALADA)
Potolon na pabalagbag an darakulang lada, asin halean kan pisog. Dagnan ibogtak sa laog kang garo singsing na lada an borogkos na linutong asparagus asin pasunaron sa dahon kan lechugas dagnan bogtakan kan pinagsalak na "French dressing."
ENSALADANG REPOLLO, LADSA O SILING ASIN ZANAHORIA
Guilignon ang gabos na ini na nasambit na gulay sa molino kan karne asin takadon pakatapos na maguiling.
- 1/2 tasang repollo
- 3/4 tasang zanahoria
- 1/4 tasang ladang daing marahang
- 1/3 tasang mayonesa
Pagsaralakon asin ipuesto na may lechugas.
ENSALADANG SOGOK, REPOLLO ASIN LADA O SILI
- 1 tasang guiniris na repollo
- 2 matagas na sogok na guiniris
- 2 kutsarang guiniris na lada (dakula)
- 1/3 tasang mayonesa
Pagsaralakon asin ipuesto na may lechugas
20