Basaon an sarong trapo kan eter asin ta iyo an inosnos na luhayluhay sa lugar na may digta o mancha asin ta iyan mahahale. An gasolina man marahay na ipaghale kan mancha. Kun magbago an color o maglubad an seda tolos labhan sa tubig na may tinunao na amoniaco tagnaning maguli sa dati an color.
Magtunao kan sarong gramong sulpato de hierro sa 60 gramong vino tinto asin lutoon na sarong minuto. Palipoton asin iyo an gamiton sa pagbabasa kan bohok duang veces sarong semana. Bayaan sanang mamara asin dai pagnosnoson kan tualla.
Kumua kan gamot kan ortiga asin pagporotolon saka pakalakaan sa sarong litrong tubig asin kabagnang litrong suka. Pagkatapos haonon asin isaray tagnaning maglipot asin maglinao. Ini iyo an gamiton sa pagbasa kan bohok aroaldao, tagnaning malikayan an pangrorogon kan bohok.
Tagnaning mahale an magna doot na yaon di-