alumbre an dogno asin iyan matonong na.
An marahay ay fomentohan kan mainit na tubig, tagnaning mahale an kolog saka an pagnignitom. Tagnaning mahale tolos an pagnignitom ay pahiran kan mantekilla, ó kaya tapalan nindo kan Balsamo Tranquillo.
Kun an napaso ay tatapalan tolos kan kaputian kan sogok asin kan aceite de olivo dai magliliptok. O kaya pahiran kan tagok kan kamates, ó kan mentholatum ó tinta man kun daing mentholatum.
Kun an saindong lalauogon o kaya loong ay natotong kan saldang nin aldao pahiran nindo tolos ta sa banggui patoson, asin pagkaaga hugasan asin kan tagok kan pipino (cucumber sa English), asin bogtakan kan crema (sa English cold cream). Mahahale man ini kan pinagsalak na walong onzang agua de rosas asin kan duang drakma kan tintura de henjui. Ini iyo an guibohon na tonico.
Sarong kutsaritang acido carbolico sa sarong basong agua de rosas an pagsalakon asin ta mara-